فرصه عظيمه للبيع بالتقسيط

من طرف miroo الجمعة فبراير 22, 2008 3:20 am

مفاجأة هتتفرج معانا وتلف العالم فى مكانك تليفزيون مع دش بالتركيب ب23 جنيه بس وتليفزيون 14 بوصة ب16 جنيه وتليفزيون 25 بوصة ب 95 جنيه وبس
ولكل عريس وعروسة واب وام محتارة بالمصارف هديتنا غرفة نوم كاملة ب95 جنيه وانتريه مودرن 49 جنيه ونيش 3 ضلفة ب22 جنيه وترابيزة تليفزيون كومبو ب10 جنيه
وعشان خاطر عروستنا متتعبش ومتفكرش فى الغسيل هديتنا غسالة فول اتوماتيك 65 جنيه وعلشان ايدكى تفضل ناعمة غسالة اطباق ب33 جنيه وغسالة هاف اتوماتيك توشيبا 19 جنيه
وكمان كمبيوتر تتعلم عليه ب62 جنيه
وكمان خلى الطبخ علينا بوتجاز ايديال 4 شعلة ب20 جنيه اما يونيفرسال خمسة شعلة ب40 جنيه اما كريازى ب40 جنيه
وبالمرة نحافظ على الطبيخ مدة اطول بثلاجة 9 اقدام ب30 جنيه او 14 ب49 جنيه وديب فريزر 5 درج 45 جنيه ولما تقول تروش واستايل موبيلات يبقى تقول موبايل نوكيا ب9 جنيه .. وموبايل نوكيا موديل 7610 بخمسين جنيه
ومش كده وبس فى حاجات كتيررررررررررررررررررررررررر
ده دفاية الفين وات ب5 جنيه وسخان ايديال ب14 جنيه وخلاط توشيبا ب5 جنيه واستشوار الفين وات 3 جنيه مكواة بخار ب2 جنيه مضرب بيض 250 وات ب6 جنيه مكنسة باناسونيك ب13 جنيه
عرض لفترة محدودة ..ثقة وامان ......لكل الاجيال
ترقبوا مفاجاة افتتاح فروع اخرى
.................................................. .................................................. .....................................
طبعا كل اللى فات ده مش كلام سينما ولا كلام افلام ابيض واسود..... ده نص اعلان من الاعلانات اللى بصدفها كتير واكيد بتصدفوها دلوقتى مش زمان ...بالفعل دلوقتى
ممكن تجهز بيت بحاله وانت واقف ومش هتكلف نفسك غير الفين جنيه بس دفعة واحدة .......بس بعد كده يا ريت تقولى هتسدد كل ده منين اصل نسيت اقولكم ان ده كله تقسيط مريح مريح اوى للزبون ..ومش اى زبون ده صاحب المعاش وبدون مقدم حتى ستين شهر واول شهرين ببلاش ........يا بلاش........وسلملى على التقسيط ............................

انا بقى عايزة اعرف منكم ايه رايكم فى النظام ده ؟؟ وهل فعلا بيساعد على تخفيف تكاليف الزواج ولا ده حل ظاهرى بس ؟؟ وانتم لو اودمكم النظام ده هتلجأوا.. ليه ولا تفضلوا الكاش مش التقسيط؟؟؟ وايه المشاكل اللى ممكن تترتب على النظام ده ؟؟؟؟؟؟.........اسيبكم بقى مع التقسيط وحلم انكم تشتروا كل الحاجات دى